VOLEJ FEMRA/ Zjarr të premten. Derbi Skënderbeu-Pogradeci në orën…

Java e dytë e kampionatit kombëtar në volejboll për femra sjell një nga ndeshjet më emocionuese dhe të bukura të kampionatit. Derbi i Prefekturës së Korçës, Skënderbeu-Pogradeci padiskutim që tërheq vëmendjen e kësaj jave.

Në javën e parë Skënderbeu fitoi në Shkodër ndaj Vllaznisë me rezultatin e pastër 3-0 dhe po 3-0 fitoi edhe Pogradeci, por në shtëpi ndaj Teutës. Tashmë shorti ka sjellë që të dyja këto skuadra të përplasen që në javën e dytë dhe është përcaktuar që kjo përballje të luhet të premten e 19 shtatorit në pallatin e sportit “Tamara Nikolla” dhe do të startojë në orën 18:00.

Një përballje që pritet të rikthejë edhe tifozët në shkallët e pallatit të sportit, ndërkohë që priten edhe tifozë të shumtë nga Pogradeci që do të udhëtojnë për të mbështetur skuadën e tyre të zemrës.

Pak ditë më parë në Kupën e FSHV-së, Pogradeci e mundi Skënderbeun në kryeqytet 3-0, por të shohim dhe të presim, pasi e premtja është në prag dhe sigurisht që ndeshje të tilla si kjo mes Skënderbeut dhe Pogradecit, e ka spektaklin e garantuar.

Suksese të dyja skuadrave dhe të fitojë skuadra më e mirë!

“KORÇA BOOM”